НА УФЦ борец му испаѓаа забите од добиениот ќотек (ВИДЕО)
Најмоќната организација за мешани боречки спортови, УФЦ, вчера ја организираше втората приредба во време на пандемијата на коронавирусот, повторно во Џексонвил, Флорида.
Во главната борба на вечерта, Ентони Смит доби страшен ќотек од кој почнаа да му испаѓаат забите.
Смит кој минатата година се пореше за шампионската титула во полутешка категорија против неприкосновениот Џон Џонс, во дуелот со Гловер Тешеира подобро ја започна борбата и ја доби првата рунда.
Но, во продолжение од борбата постоеше само еден човек, 40-годишниот Гловер Тешеира, кој му нанесе тешки повреди на Смит.
Во еден момент од силните удари почнаа да му испаѓаат забите на Смит, а тој упорно еден заб го држеше во раката и го покажуваше на судијата. Смит се пожали и на своите тренери кои изненадувачки, на крајот од четвртата рунда одлучија да ја продолжат борбата.
“My teeth are falling out.”
? @LionheartASmith truly showing the heart of a lion. #UFCJax pic.twitter.com/2PiNNYVPWb
— UFC Europe (@UFCEurope) May 14, 2020
Агонијата на Смит ја запре судијата во петтата рунда иако многумина мислат дека ваквата одлука требаше да биде донесена многу порано.
Teixeira: Sorry, Anthony, it’s part of the job.
Smith: What?
Teixeira: Sorry. Part of the job.
Smith: Yeah. It is what it is.This mid-fight convo between @gloverteixeira and @lionheartasmith is wild ? #UFCJax pic.twitter.com/p4VEPqFjxI
— ESPN MMA (@espnmma) May 14, 2020
– Јас би ја прекинал борбата, неговите тренери донесоа многу погрешни одлуки, а можеа да му помогнат да не биде нокаутиран – изјави во текот на борбата, Даниел Кормие, кој е предизвикувач за титулата во тешка категорија, а работи и како стручен аналитичар.
Реагираа и дел од борците кои ја следеа борбата и ги нападнаа тренерите на Смит.
„Тренеру кој к*р е ова? Ова е тешко да се гле4да, не сакам да глердам како Смит добива таков ќотек“, порача Мајкл Киеза, а слично размислување имаше уште еден борец, Мајк Пери „Тренерите треба да го спасат својот борец“.