Мото ГП: Триумф на Бањаја во Асен
Возачот на Дукати, Франческо Бањаја триумфира на трката за Големата награда на Холандија која се водеше на легендарната патека во Асен.
За разлика од претходната трка кога направи грешка, овој пат Бањаја извозе перфектна трка и беше во водство од првиот до последниот круг. На второто место се пласира Марко Бецеки додека третото место и последно место на победничкиот пиедестал му припадна на Маверик Вињалес.
The Rossi fans of old have a new hero! 🙌#DutchGP 🇳🇱 pic.twitter.com/WMKzEd4QFq
— MotoGP™🏁 (@MotoGP) June 26, 2022
Четвртото место го зазеде Алеш Еспаргаро кој во финишот од трката успеа да ги претекне Џек Милер и Бредли Биндер. Меѓу првите десет на трката во Асен завршија уште и Жоан Зарко, Жоан Мир, Мигел Оливеира и Енеа Бастијанини.
DOWN AGAIN! 🤯@FabioQ20 highsides out of Turn 5! 😱#DutchGP 🇳🇱 pic.twitter.com/yUiFrPsh49
— MotoGP™🏁 (@MotoGP) June 26, 2022
Голем пех во Асен доживеа актуелниот шампион и лидер во генералниот пласман, Фабио Квартараро кој имаше два пада и не ја заврши трката.
По трката во Асен, следува пауза од шест недели и наредната трка ќе се вози на 7 август на патеката Силверстоун.