Мото ГП: Бањаја најбрз во Силверстоун
Возачот на Дукати, Франческо Бањаја славеше на трката за Големата награда на Велија Британија што се возеше на легендарната патека Силверстоун.
Ова беше четврта победа за Бањаја во последни седум трки, а со триумфот дојде по големата борба што ја водеше со Маверик Вињалес. Но, Шпанецот кој вози за Априлија погреши во последниот круг и на крајот мораше да се задоволи со второто место, додека последното место на победничкиот подиум му припадна на Џек Милер од Дукати.
Французинот Жоан Зарко кој трката ја започна од пол позицијата беше во водство се до петтиот круг кога излета. Потоа водството го презеде Алекс Ринс кој беше претекнат од Бањаја.
Од четвртото до десеттото место се пласираа Енеа Бастијанини, Хорхе Мартин, Мигел Оливеира, Алекс Ринс, Фабио Квартараро, Алеш Еспаргаро и Марко Бецеки.
Лидер во генералниот пласман е актуелниот шампион Фабио Квартараро со 180 бода, Алеш Еспаргаро е втор со 158, а Бањаја со 131 освоен бод се наоѓа на третото место.