Поморски дрон експлодира денеска наутро во романскиот пристанишен град Констанца, објави „Јуроњуз“.

Во соопштение, романското Министерство за национална одбрана наведе дека дронот детонирал околу 10:30 часот и дека се смета оти бил „од типот на дронови што се користат во војната во Украина“.

„Областа веќе беше обезбедена и оградена од силите на Романската разузнавачка служба, Крајбрежната стража и Министерството за национална одбрана. Во тој момент објектот беше предмет на проценка и обезбедување“, соопшти министерството.

Дронот изгледа бил погоден во Украина, ја сменил насоката, па се урнал во Романија, вели претседателот Дан

Од министерството потврдија и дека дронот не бил дел од опремата на романската армија и дека не бил вклучен во неодамнешните воени вежби во областа на Црното Море.

Засега нема пријавени повредени. Истрагата за инцидентот е во тек.

Инцидентот следи откако минатата недела руски дрон со експлозив се урна во источниот романски град Галац, предизвикувајќи пожар на покривот на станбена зграда и повредувајќи двајца.

НАТО ги мери своите зборови за Русија