МИ: Трајковски поради позитивен ПЦР тест ќе го пропушти финалето во скок во далечина
Според атлетскиот клуб „Работнички“, лоши вести доаѓаат од Медитеранските игри во Оран, Алжир.
Поради покачена температура во изминатото деноноќие и позитиве ПЦР тест Андреас Трајковски ќе го пропушти денешното финале во скок во далечина.
АК „Работнички“ на македонскиот атлетичар му посакува лесно и брзо закрепнување.
– Многу сум тажен заради настанатата ситуација, затоа што моја најголема цел за оваа сезона беше да освојам медал за Македонија на Медитеранските игри во Оран. Тренинзите се одвиваа според предвидената динамика до вчерашниот ден, бев во одлична форма, но за жал Господ имал други планови за мене. Ќе се вратам уште посилен после ова – вели Трајковски.
Претходно македонската атлетика во Оран ја претставуваше Дрита Ислами која го освои деветтото место во дисциплината 400 метри со пречки со нејзин најдобар резултат оваа сезона, 59 секунди и 16 стотинки.
Трстена: Борачите успеаја, срамота е што другите македонски спортисти не освоија медал