Метју Меконахи и неговата сопруга Камила Алвес се родители на три деца: Ливио (16), Вида (15) и Ливингстон (12). Понекогаш ги носат со себе на црвениот тепих, а неодамна сите можеа да видат колку многу пораснале децата на познатиот оскаровец.

Метју еднаш зборуваше за правилата за воспитување на своите деца што ги следат тој и Камила.

– Во нашата куќа, лажењето не е дозволено. Не е дозволено да се изговори: „Не можам“, а апсолутно е забрането да го кажете зборот „мразам“. Тие три работи можат да ве вовлечат во големи проблеми во нашата куќа – рече тој.

Најважно за нив е нивните деца да бидат скромни и да не се чувствуваат лошо поради „семејната слава“. Тој исто така истакна дека нивниот џепарлак не е поголем од оној на нивните пријатели од училиште и дека неговите деца имаат слична облека како сите просечни тинејџери.

– Секогаш им велам дека ако децата во училиште им речат: „Се обложувам дека живееш во голема куќа затоа што твојот татко е славен“, немојте тоа да ве обесхрабри. Им советувам да ги погледнат во очи и да речат: „Да, живееме во убава куќа. Татко ми работи навистина напорно за да биде успешен“, рече актерот.

Меконахи сака неговите деца да бидат грижливи и способни млади луѓе, но пред сè, сака да бидат анонимни и да уживаат во животот. Сè што тој го немал во добар дел од својот живот.