МЕТЕО на УБ: Според временската прогноза – од утре подгответе си чадор

Дождливо време
Дождливо време / Фото: Слободен печат / Драган Митрески

Денес времето во Македонија ќе биде променливо облачно со слаб до умерен ветер од југоисточен правец. Ветерот особено долж Повардарието повремено ќе засилува на интензитет. Температурите ќе се искачуваат во интервалот од 6 до 12 степени, вели временската прогноза на Славчо Попоски.

временска прогноза, славчо попоски
Временска прогноза на Славчо Попоски / Утрински брифинг

Во Скопје и околината времето ќе биде променливо облачно со слаб до умерен ветер од југоисточен правец. Ветерот повремено ќе засилува на интензитет, додека максималната температура ќе се искачи до околу 12 степени. Потоа под влијание на влажен воздушен бран, утре и тоа особено претпладне на повеќе места ќе има врнежи од дожд, додека на повисоките планини ќе има врнежи од снег.

Врнежи од дожд и тоа особено во западните предели ќе има и за време на викендот.

Од утре, исто така ќе дува и умерен до засилен ветер од јужен и од југоисточен правец, додека температурите на воздухот ќе се искачуваат во интервалот од 5 до 10 степени, додека поради јужното воздушно струење, значително потопло ќе биде за време на викендот кога максималните температури ќе се искачуваат во интервалот од 12 до 16 степени.

Видео на денот