Ракометарите на Металург од Шпанија се вратија в четврток пред полноќ и го имаа само вчерашниот ден за одмор, пред претстојните предизвици во Лига Европа и во македонската Суперлига.

Денеска тимот од Автокоманда продолжи со тренинзи, во пресрет на пеколните осум дена во кои ќе одигра дури четири натпревари, по два во Лига Европа и првенството на Македонија.

Најпрво „сино-белите“ ги очекува дуелот со Фиверс во Скопје (24.11), а потоа две едноподруго гостувања во македонската Суперлига, против Младост (25.11) и против Бутел (26.11). На први декември, пак, во Скопје ќе им гостува екипата на Чеховски Медведи во нов меч од Лига Европа.

Распоред на претстојните натпревари на ракометниот клуб Металург:

24 ноември: Металург – Фиверс (Австрија)

25 ноември: Младост Богданци – Металург

26 ноември: Бутел – Металург

1 декември: Металург – Чеховски Медведи (Русија)

3 декември: Еурофарм Пелистер 2 – Металург

5 декември: Работнички – Металург

Металург со 41 примен гол се враќа од Шпанија!