Во Турција појадокот е голема работа. Се служи пред кафето, а подразбира дружење и споделување храна. Домаќинствата и турските ресторани подготвуваат многу мали јадења за појадок, а едно од нив е и менемен. Потекнува од провинцијата Измир во Турција, а всушност станува збор за кајгана што се добива со варење на јајцата со свежи рендани домати, зелени пиперки исечкани на коцки и кромид. Вкусот е дополнително збогатен со лук, паста од слатка црвена пиперка, мелен пипер и оригано.

Најмногу се служи за појадок, но не е невообичаено да се јаде и за ручек и за вечера.

Менемен е традиционално турско јадење направено од домати и пиперки, приготвено на сличен начин како што правиме летна манџа со јајца. Во зависност од вкусовите, може да додадете сирење или суџук.

Ако сакате кајгана со зеленчук, ова јадење е одличен избор за вас.

Не го оптоварува желудникот, дава и растителни влакна и протеини, многу заситува, а вкусот е уникатен!

Состојки:

– 4 јајца
– 4 чешниња лук
– 1 кромид
– 2 големи домати
– 1/2 чаша сос од домати
– 1/2 лута пиперка
– 1/2 пиперка
– 2 лажички мелена пиперка
– 1/2 лажичка оригано
– сол, бибер,
– маслиново масло
– магдонос

Подготовка:

Исчистете ги доматите од петелките, бланширајте ги и излупете ги. Користете ги најголемите дупки на рендето, изрендајте ги доматите во сад со средна големина.

Загрејте го маслото во тава, додадете го сечканиот лук и пржете додека не омекне, а потоа додадете го исечканиот кромид. Кога ќе стане проѕирен, додадете ги пиперките. Додајте ги исечените домати и оставете две минути, а потоа додадете доматно пире и други зачини освен власец. Кога ќе бидат готови доматите, скршете по едно јајце во тавата и по десетина секунди нежно измешајте ги во смесата. Нежно мешајте додека јајцата не почнат да се стврднуваат, околу 5 минути. Тргнете од оган.

Бидејќи смесата менемен има многу домати и зеленчук, конзистентноста ќе биде повлажна од обичната кајгана.

Измешајте 1 лажичка црн пипер со 2 лажици маслиново масло во помал сад. Украсете го менеменот со капки од ароматизираното масло и сечкани листови магдонос посипани одозгора. Послужете веднаш.