Научниците го открија дневниот број на чекори што може да ја одложи Алцхајмеровата болест за 7 години
Во ова време на екстремни велнес трендови, лесно е да се занемарат малите, секојдневни навики кои нè одржуваат здрави. Но, тие навики често се најмоќни. На пример, пиење чаша вода откако ќе се разбудите наутро. Оваа едноставна навика ја рехидрира цревната слузница и го покренува варењето. Исто така, ги поддржува меморијата, концентрацијата и расположението – дури и повеќе од кафето.
Препорачано
Исто така, и редовниот и квалитетен сон е клучен за здравјето на мозокот, бидејќи во текот на длабокиот сон, мозокот се чисти од протеините поврзани со Алцхајмеровата болест.
Но, уште една навика што многумина ја потценуваат е одењето. Тоа не само што го намалува ризикот од срцеви болести, туку, како што покажува научната студија од 2025 година, може и значително да го одложи почетокот на Алцхајмеровата болест.
Во студија објавена во списанието „Нејчр медисин“, истражувачите откриле дека само помеѓу 3.000 и 5.000 чекори дневно го одложуваат когнитивното пропаѓање во просек за три години. Ако бројот на чекори се зголеми на 5.000 до 7.500 дневно, когнитивниот пад се одложува за дури седум години.
„Оваа студија нуди едни од најјасните докази досега дека редовното одење може значително да го забави напредувањето на Алцхајмеровата болест и укажува на специфична биолошка причина“, објаснила за „Парада“ неврологот д-р Прерна Мала.
Таа објаснува како со текот на времето во мозокот можат да се наталожат токсичните протеини, амилоид и тау, кои ја попречуваат комуникацијата меѓу мозочните клетки.
„Токму ова се случува кај Алцхајмеровата болест. Оваа студија открива дека редовното одење помага во одржувањето на протокот во тие клучни врски“, додава таа.
Доктор Мала наведува дека одењето го зголемува протокот на крвта во мозокот, што помага во исфрлањето на штетните материи. Исто така, ги намалува воспаленијата и го поттикнува ослободувањето на заштитни хемикалии во мозокот. Иако поголем број чекори носи поголема корист, се поставува прашањето дали трчањето е покорисно.
Доктор Ронг Жанг, невролог на УТ Саутвестерн, вели дека и одењето и трчањето се корисни.
„На ефектите од трчањето во однос на одењето може да влијание возраста. На пример, трчањето со висок интензитет може да биде покорисно за помладите или луѓето на средна возраст, додека одењето е посоодветно за постарите луѓе“, вели тој.
Во двата случаи, се интензивира протокот на крвта во мозокот, па затоа е најважно да изберете активност во која уживате и да бидете доследни.
Иако врската помеѓу одењето и забавениот когнитивен пад е охрабрувачка, лекарите истакнуваат дека корист можат да имаат и луѓето на кои веќе им е дијагностицирана болеста.
„Студијата сугерира дека луѓето со високо ниво на амилоид во мозокот, што е белег на Алцхајмеровата болест, и понатаму можат да имаат корист од секојдневното одење“, вели д-р Жанг, истакнувајќи дека се потребни понатамошни истражувања за да се потврди тоа.
„Студијата сугерира дека луѓето со високо ниво на амилоид во мозокот, што е белег на Алцхајмеровата болест, и понатаму можат да имаат корист од секојдневното одење“, вели д-р Жанг, истакнувајќи дека се потребни понатамошни истражувања за да се потврди тоа.
Доктор Мала се согласува и тоа го истакнува како една од најважните пораки за пациентите и нивните семејства.
„Значителен број истражувања ги поддржуваат придобивките од редовното одење дури и по дијагнозата на Алцхајмерова болест“, вели таа.
Д-р Мала ја наведува и студијата која покажа дека шестмесечна програма за аеробно вежбање значително го забавила когнитивниот пад.
Освен тоа, одењето може да ја намали депресијата и анксиозноста, а ефектите се уште подобри ако личноста оди во друштво.
„Одењето со разговор има подобар ефект од одењето сам, бидејќи социјалниот аспект на вежбањето е особено важен за оваа популација“, објаснува таа.
Одењето не е единствената активност корисна за мозокот. Невролозите велат дека е добро сè што нè покренува.
„Најдете хоби или спорт што ве прави среќни. Тоа може да биде планинарење, градинарство, пливање, возење велосипед, танцување, па дури и домашните работи“, советува д-р Жанг.
За постарите лица, таи чи и јога се особено препорачани бидејќи тие комбинираат движење, рамнотежа и свесно дишење и ги намалуваат хормоните на стресот што можат да го оштетат центарот за меморија во мозокот.
Заедно со физичката активност, д-р Мала ја нагласува и важноста на здравата исхрана, квалитетниот сон, дружењето и постојаното поставување нови ментални предизвици. Исто така е важно да се обрне внимание на слухот.
„Нелекуваното губење на слухот во средната возраст денес е еден од главните фактори на ризик за деменција на кои можеме да влијаеме. Кога мозокот се напрега да обработи звук, тој ги пренасочува ресурсите од други когнитивни функции“, објаснува д-р Мала, додавајќи дека употребата на слушни помагала значително го намалува когнитивниот пад.
Затоа, постојат многу начини да се поддржи здравјето на мозокот како што старееме, а вклучувањето на секојдневната прошетка во вашата рутина може да биде еден од најмоќните чекори што можете да ги преземете за да ги заштитите своите когнитивни способности.
Колку минути пешачење дневно е потребно за слабеење по 40-тата година?
