Во последниве години, големо внимание привлече таканаречената месојадна, т.е. карнивор диета, во која поединци целосно ги елиминираат овошјето, зеленчукот и јаглехидратите од своето мени и консумираат речиси исклучиво месо. И покрај предупредувањата на експертите за можни здравствени ризици, американскиот јутјубер Џејк Москато одлучил самиот да го проба овој начин на исхрана и да ги сподели своите искуства.

Два месеца јадел исклучиво црвено месо, а сè детално документирал на Јутјуб. Ги следел промените во своето тело, придобивките и физичката подготвеност и признал дека експериментот го изненадил на многу начини. Почетниот период бил најпредизвикувачки. Џејк рекол дека во првата недела се соочил со силна болка и силна желба за други видови храна.

„Се плашев за мојот живот“, признал тој во видеото.

Околу две недели по почетокот на диетата се појавиле и проблеми со варењето, што дополнително го загрижило. Сепак, продолжил.

По околу четири недели, забележал промена. Според неговите зборови, почнал да се чувствува посилно и поенергично. Сето тоа го опишал со зборовите „чувство на ѕвер“, а до крајот на вториот месец бил во најдобрата физичка форма во својот живот. Исто така, нагласил дека редовно посетува и теретана, што веројатно значително придонело за неговите резултати.

 

View this post on Instagram

 

A post shared by Jake Moscato (@jakemoscato)

Експертите предупредуваат на долгорочни последици

Но, нутриционистите предупредуваат дека краткорочните ефекти не ја зборуваат целата приказна. Нутриционистката Рима Пилаи од организацијата „Диетишн фит“ нагласува дека најважно за здравјето е разновидна исхрана.

„Наместо целосно ограничување, без разлика дали е во месојадна или веганска исхрана, би препорачала разновидност. Редовниот внес на влакна е поврзан со здравјето на цревата, помал ризик од дијабетес тип 2, подобро кардиоваскуларно здравје и помал ризик од одредени видови рак“, објаснила таа.

Таа додала дека целосното исфрлање на влакната од исхраната може да биде опасно и е поврзано со поголем ризик од болести на срцето и на црниот дроб. Еден од најголемите проблеми со ваквите диети, нагласува таа, е што потенцијалните негативни последици честопати не се појавуваат веднаш.

„Многу луѓе кои долг период се држат до месојадна исхрана не се свесни за здравствените последици долго време. Кај помладите луѓе, холестеролот можеби нема веднаш да се зголеми, но со текот на годините плак можат да се наталожи во артериите и да се појават сериозни здравствени компликации“, предупредила таа.

Екстремните диети не се добри за секого

Експертите нагласуваат дека е препорачливо да се консултирате со лекар или со клинички диететичар пред какви било радикални интервенции во исхраната.

Социјалните мрежи се полни со приказни за брзо губење на тежината и спектакуларни трансформации, но таквите приказни честопати не ги покажуваат сите можни ризици. Прехранбените насоки од повеќето здравствени организации сè уште препорачуваат балансирана исхрана што вклучува зеленчук, овошје, интегрални житарки, квалитетни протеини и здрави масти.