Во топлите летни денови, често бараме оброци кои се лесни за подготовка, не го оптоваруваат организмот, а истовремено нè исполнуваат со енергија. Водејќи се од принципот дека правилната исхрана не е краткотрајна диета, туку начин на живот кој носи здравје, енергија и самодоверба, нутриционистката Емилија Спасовска Мојсовска споделува идеален рецепт за овој период од годината.

Без разлика дали вашата цел е слабеење, подобро здравје или поголем баланс во секојдневието, овој лесен оброк е совршен чекор кон тие здрави навики.

Рецепт: Зелени палачинки со спанаќ и овес

Оваа свежа и хранлива алтернатива на класичните палачинки е идеална за појадок или лесна ужина во топлите денови.

Состојки:

• 1 јајце
• 4 лажици овесно брашно
• 1 рака свеж спанаќ
• 50 мл растително млеко
• Прстофат сол и сода бикарбона

Подготовка:

Сите состојки се ставаат во блендер и се миксираат додека не се добие хомогена, зелена смеса. Потоа, на загреaна нелеплива тава се печат мали палачинки.

Совет за сервирање:

За комплетен летен вкус, послужете ги палачинките во комбинација со растителна паштета или хумус.

Хранлива вредност (по порција):

Благодарение на внимателно избраните состојки, овој оброк нуди одличен баланс на макронутриенти со многу малку калории:

Нутритивен профил

• Калории 180
• Протеини 9 грама
• Јагленохидрати 15 грама
• Масти 6 грама

Уживајте во вкусот на здравјето и леснотијата ова лето.

Нутриционистка Емилија Спасовска Мојсовска: Здрава исхрана за зафатени луѓе – практични совети што функционираат

Емилија Спасовска Мојсовска, нутриционистка: Растителните влакна се клучот за хормонален баланс