Малку работи можат да ја расипат вечерата во луксузен ресторан како глетка на глувци што безгрижно трчаат меѓу масите. Токму тоа, според тврдењата на еден гостин, се случило во ресторан на славниот готвач Гордон Ремзи, а целиот инцидент бил снимен и објавен на „Тикток“, пишува „Њујорк пост“.

@j0792433 @Gordon Ramsay @604 Now ♬ original sound – J

На снимката се гледа речиси празната сала на ресторанот „Гордон Ремзи Стејк“ во Ричмонд, Канада, низ која два глувци се бркаат меѓу масите. Вработените ги набљудуваат и очигледно чекаат како да реагираат на ситуацијата.

Во позадина се слуша како еден гостин вели: „Имате два“, додека друг низ шега додава: „Уживајте во бесплатната вечера, луѓе“, алудирајќи на тоа дека ресторанот, кој работи во склоп на „Ривер Рок Касино Ризорт“, би требало да им го надомести непријатното изненадување.

Поделени реакции, од згрозеност до „тоа е нормално“

Додека дел од корисниците во коментарите изразиле згрозеност, други истакнале дека појавата на глодари не е невообичаена, особено во Ричмонд.

„Тоа е Ричмонд. Тешко ќе најдете ресторан кој ги нема“, напишал еден корисник.

Се огласил и сопственик на фирма за дератизација, кој се обидел да ја смири расправата:

„Јас сум сопственик на фирма за дератизација. Ова може да се случи во секое време и на секое место. Тоа не значи дека ресторанот е нечист или дека кујната не е уредна.“

На прашањето дали на крајот биле почестени со вечера, авторот на видеото објавил фотографија од сметката. Според неа, на скапата вечера добиле попуст од 100 долари.

Видеото брзо се проширило и на „Редит“, каде бројни корисници истакнале дека присуството на глувци или стаорци не мора нужно да значи лоша хигиена.

„Некои од најдобрите ресторани во Франција имаат стаорци“, напишал еден корисник.

„Стаорците и глувците се вечен проблем во многу ресторани. Можете да преземете сè што е потребно и сепак да се борите со нив. Многу зависи од староста на зградата, соседните објекти, населбата и регионот“, додал друг.

Трет корисник се обидел да ја сврти ситуацијата на шега:

„Позитивната страна е што персоналот изгледа искрено изненаден. Ако беа рекле: ‘Тоа се Бил и Тед’, тогаш тоа веќе би било сериозна причина за загриженост.“

На тоа се надоврзал еден работник во угостителството, кој признал дека вработените често се однапред подготвени за вакви ситуации:

„Сите нè учеа да глумиме изненадување. Обично само би рекле: ‘Ова е стара зграда’.“

ВИДЕО | Гордон Ремзи за малку ќе поврател во „Мастершеф“ — нашол искористен фластер во сендвичот