Во април прометот на британската малопродажба забележа најголем пад откако се водат статистички податоци, а ова е одраз на последиците од ширењето на корона вирусот кој ги поттикна потрошувачите повеќе да купуваат преку интернет.

Прометот опаднал за 18,1 отсто во однос на претгодниот месец март, на најниско ниво од 1988 година. Во март се намали „само“ 5,2 отсто. На годишно ниво прометот забележува пад од 22,6 проценти.

Силен раст на прометот на месечно ниво е забележан само кај каталошката продажба како и продажбата преку пошта, телефон и интернет, за 18 проценти. Повторно е забележана зголемена побарувачка и продажба на алкохолни појалоци за 2,3 отсто.

Интернет продажбата достигна рекордно ниво.

Продажбата на облека потона за 50,2 проценти во однос на месец март кога имаше намалување од 34,9 отсто, покажуваат статистичките податоци. Уделот на продажбата преку интернет достигна рекордни 30,7 проценти. Во април минатата година тој изнесуваше 19.1 процент.