Макс Ферстапен е незапирлив, од 14 позиција до победа во Белгија
Возачот на „Ред Бул“, Макс Ферстапен, триумфираше на трката за Големата награда на Белгија, која го продолжи овогодинешниот шампионат во Формула 1 по летната пауза.
Бранителот на титулата на патеката „Спа Франкоршам“ ја постигна деветтата победа годинава, а вкупно 29-та во кариерата, откако стартуваше од 14 позиција поради промена на моторот.
Најблиску до холандскиот возач беше неговиот тимски колега Серхио Перес, додека Карлос Саинс во „Ферари“ беше на третото место на подиумот.
Во генералниот пласман сега води ферстапен со 284 бодови, а го следат Перес со 191 и Леклер со 186.
Возбудувањата ќе продолжат веќе следниот викенд со трката (15-та сезонава) за Големата награда на Холандија на патеката „Зандворт“.
ВИДЕО: Хамилтон се откажа во првиот круг на трката во Белгија