Македонската сениорска карате репрезентација ги спроведе подготовките пред настапот на Европското првенство за сениори што ќе се одржи од 8 до 12 мај 2024 година во Задар, Хрватска.

Селекторите во борби Александар Кузмановски и во кати Стојан Андриевски истакнаа дека се задоволни од прикажаното на целиот тим на овие припреми, како од интензитетот, посветеноста, дисциплината, така и од високиот морал на секој од нив за остварување на високи резултати на ова ЕП.

Условите во кои се реализираат овие подготовки во салата на институтот за спорт при Факултетот за физичко образование и спорт беа на завидно ниво што се заедно дава надеж дека и на ова Европско првенство нашата репрезентација достојно ќе ја претстави нашата земја.

Да додадеме уште дека во спортската сала „26 Април“ во Гевгелија се одржа Државното првенство за деца, на кое учествуваа 310 натпреварувачи од вкупно 48 клуба. Резултати ТУКА

Најуспешните шест натпреварувачи од ова Државно првенство ќе се стекнат со право за учество на Балканското првенство кое оваа година ќе се организира во Истанбул, Турција во периодот од 31 мај до 2 јуни.