Атлетската федерација на Македонија ќе земе учество на Балканското првенство за сениори во сала кое ќе се одржи на 5 март 2022 година во Истанбул, Турција на кое учество ќе земат 22 држави членки на Балканската федерација со преку 350 атлетичари.

Како наши преставници ќе учествуваат Јован Стојоски во дисциплината 400 метри со личен резултат и рекорд на Македонија 47,18сек, Дарио Ивановски во дисциплината 3000 метри со личен резултат и рекорд на Македонија 8:01.63 минути.

Како и Андреас Трајковски во дисциплината скок во далечина со личен резултат и рекорд на Македонија 7,65 см и 60 метри со личен резултат 6,90 секунди.

Со оглед на тоа дека сите тројца во овој дел од сезоната значително ги соборија и подобрија националните рекорди во своите дисциплини, а и самото учество на бранителот на титулата балкански шампион Дарио Ивановски кој минатата година донесе златен медал од ова првенство, федерацијата нескромно очекува повеќе медали.

Саатницата и стартните лиги можете да ги погледнете на следниот линк ТУКА