Македонскиот борач Владимир Егоров се враќа без олимписка норма од Баку
По двете стартни победи, македонскиот борач Владимир Егоров во полуфиналето на квалификацискиот турнир во Баку, Азербејџан, за учество на Олимписките игри во Париз, загуби од домашниот натпреварувач Алибабас Разаде.
Во полуфиналната фаза Егоров загуби со 4:3 од Разаде и така остана без олимписка норма. Егоров беше најблиску до олимписката норма од која го делеше само еден поен.
Ниту еден од македонските борачи во слободен стил не успеаја во Баку да обезбедат норма, најпрвин во женска конкуренција во четвртфиналето поразена беше Вероника Рјабоволова во категоријата 53 кг.
Кај мажите (74 кг.) Расул Шапиев остана без осминафинале откако загуби со 4:2 од Зурав Капраев од Романија, додека Магомедгаџи Нуров (97 кг.) во осминафиналната фаза со 10:8 беше совладан од Молдавецот Раду Лефтер.
За нашата репрезентација нова шанса да се обезбеди нормал за ЛОИ 2024 е светскиот квалификациски турнир во Истанбул, Турција, кој ќе се одржи во мај.