Уште еден медал за македонското борење на силниот меѓународен турнир на светско ниво Гранд Прикс во Шпанија.

Денеска свои настапи имаа Ахмад Магомедов во категоријата 79 кг. и Магомедгаџи Нуров (97 кг.)

Нуров во четвртфиналето водеше со 3:0 против Јухван Сео од Јужна Кореја во првата рунда, но во втората поради повреда на нашиот репрезентативец, борбата заврши со победа за противникот.

Магомедов на стартот во осминафиналето со 11:1 триумфираше над Таир Шамсат од Казахстан, а потоа во четвртфиналето со 8:0 го елиминираше Иглесиас, натпреварувач од Шпанија.

И во полуфиналната борба беше убедлив Магомедов со победа од 1:0 против Канаѓанецот Бармиш. Во финалето за златниот медал македонскиот борач го совлада Нурзигит Мустафа од Казахстан (10:0).

Претходно во женска конкуренција со бронза се закити Вероника Рјабоволова во категоријата 50 кг.