Денеска во финалето на ИТФ фјучрсот В75 во Рим, Италија, најдобрата македонска тенисерка Лина Ѓорческа загуби од Оксана Селехметева од Русија со резултат 2:0 во сетови.

Селехметева убедливо го доби првиот сет со 6:1, а во вториот кој беше решен во тај-брејк противничката на Ѓорческа беше подобра со 7:3.

За Ѓорческа ова беше второ финале во 2024 година, претходно во март играше во Ларнака, Кипар, а вкупно 35 во кариерата и има 13 титули.

Воедно ова е финале на турнир со најголем награден фонд на кој ќе игра – 75.000 долари, претходно имаше два настапи на турнири од категоријата В60 на кои Ѓорческа победуваше.

Во текот на фјучрсот македонската тенисерка до финалето имаше победи против Л. Кунг (Швајцарија), К. Дину (Романија), В. Лепченко (САД) и П. Марчинко (Хрватска).