Маџунков: Европската златна лига ќе биде воигрување за квалификациите
Македонската машка одбојкарска сениорска репрезентација предводена од новиот селектор Хари Наковски се подготвува за настапот во Европската златна лига.
Препорачано
Нашите најдобри одбојкари до 8 мај ќе тренираат во Струмица, а потоа ќе отпатуваат на пријателски натпревари против Романија.
Потоа ќе се вратат во салата „Парк“ и ќе тренираат до почетокот на Европската златна лига на 17 мај, со првиот турнир на кој ќе им бидеме домаќини на Чешка и на Естонија. Следните два турнири се во Белгија и во Хрватска.
Во август се два од четирите натпревари во квалификациите за пласман на Европското првенство во 2026 година. Акцентот ќе биде ставен токму на нив, затоа што преку Грузија и Грција, Македонија бара шанса за четврти континентален собир по ред.
Средниот блокер на нашата репрезентација, Филип Маџунков посакува воигрување во Европската златна лига, па резултат во евроквалификациите:
– Треба да се повторат резултатите што се однесува за квалификациите. За Европската златна лига ќе имаме време за воигрување, да се запознаеме со некои нови играчи. Акцентот се става на квалификациите кои се во август. Нормално, ќе одиме на победа во натпреварите во Европската златна лига, но ќе го искористиме натпреварувањето како да тренираме заедно, да се сплотиме како екипа, да се запознаеме со новиот селектор и со новите лица во стручниот штаб – вели Маџунков.
