Лига Европа: Адеми го чека Елмас, на Наполи му треба уште еден бод!

epa08844769 Napoli players observe a minute of silence in memory of Diego Armando Maradona prior to the UEFA Europa League group F soccer match SSC Napoli vs HNK Rijeka at the San Paolo stadium in Naples, Italy, 26 November 2020. EPA-EFE/CIRO FUSCO

Денеска завршува групната фаза и во Лигата на Европа преку која ќе ги дознаеме официјално сите патници во 1/16 финалето.

Од Лигата на шампионите како третопласирани во своите групи, во нокаут-фазата на ЛЕ веќе се наоѓаат Манчестер јунајтед, Клуб Бриж, Шахтјор Доњецк, Ајакс, Краснодар, Салцбург, Динамо Киев и Олимпијакос.

Од групите во ЛЕ истото до сега го направија и Рома, Арсенал, Славија Прага, Баер Леверкузен, Ренџерс, Бенфика, Гранада, ПСВ Ајндховен, Лестер сити, Брага, Лил, Милан, Виљареал, Антверп, Тотенхем, Динамо Загреб на македонскиот репрезентативец Аријан Адеми, Хофенхајм и Црвена звезда.

Останаа уште неколку дилеми, во групата „А“ за второто место се борат Јанг Бојс и Клуж (18.55 часот), само победа е опција за Романците кои имаат пет бода, два помалку од Швајцарците.

Потоа, во групата „Б“ Молде има девет бода, три повеќе од Рапид Виена. Норвешкиот претставник на гостински терен во директна пресметка за второто место ќе се сретне токму Австријците, а потсетување дека во нивниот прв меѓусебен дуел Молде триумфираше со 1:0.

За нас секако би било добро да имаме уште еден Македонец во елиминациските борби, највозбудливо е во групата „Ф“ каде Наполи на Елиф Елмас има 10 бодови, по осум имаат Реал Сосиедад и АЗ Алкмаар, а од претходно шансите ги загуби Риека на Дарко Велковски и Милан Ристовски на четвртата позиција со еден бод.

Наполи ги одби бундеслигашите и 22,5 милиони фунти за Елмас

На „наполитанците“ им е потребен само уште еден бод до нокаут-фазата, на домашен терен од 18.55 часот ќе играат против Реал Сосиедад. Италијанците можат да ја остварат целта и со пораз, но само доколку холандскиот АЗ не триумфира во Хрватска.

Во групата „И“ Макаби Тел Авив е на второто место со осум бодови, пред Сиваспор кој има шест. Турската екипа нема друга опција освен победа на гостувањето во Израел. Во иста ситуација е и холандскиот Феенорд во групата „К“, во Австрија атакува на трите бода против Волфсбергер.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот