Ако истовремено земате калциум и магнезиум – само фрлате пари, велат лекарите. Сепак, некои компании дури и ги нудат во иста таблета.

Идеално би било сите хранливи материи што ни се потребни да ги добиваме преку исхраната, но многумина претпочитаат да посегнат по разни суплементи. Ако земате повеќе додатоци на исхраната, можеби мислите дека е најлесно да ги земате во исто време секој ден, по можност во една таблета, за веднаш да завршите со тоа.

За жал, тоа не е нешто што лекарите го препорачуваат. Кога станува збор за суплементи, важно е времето е кога се земаат и треба да водите сметка за витамините и минералите што не одат заедно, особено за една комбинација. Тоа се однесува на магнезиумот и калциумот.

Звучи уште позастрашувачки затоа што во аптеките и дрогериите оваа комбинација често се нуди во иста таблета, како „комплекс од клучни минерали за здравјето на коските и мускулите“.

„Се натпреваруваат за апсорпција“

Ако истовремено земате суплемент со магнезиум и суплемент со калциум, трошите пари залудно, велат експертите.

– Кога се земаат заедно, тие се натпреваруваат за апсорпција во цревата. Безбедно е да се земаат заедно, така што тоа не е ризик, но е неразумно трошење на вашите пари – вели докторот по интегративна медицина Ламис Хамдан.

Д-р Стефани Нилсен, доктор по фармација, се согласува.

– Калциумот и магнезиумот ги користат истите патишта за апсорпција во вашите црева. Замислете го тоа како да постои само одреден број на такси што одат на концерт. Ако сите автомобили се полни или се движат во погрешна насока, тие нема да ве земат – вели таа.

Таа објаснува дека кога калциумот и магнезиумот се земаат во дози поголеми од 250 милиграми, тие се натпреваруваат за истите транспортни „возила“, држејќи се до нејзината гореспомената аналогија. Ова, вели таа, може да доведе до непредвидлива апсорпција на едното или двете.

Како и д-р Хамдан, д-р Олакан Отулана, матичен лекар во Касиобери Корт, вели дека земањето суплементи со магнезиум и калциум заедно не е нужно опасно, но додава дека е опасно ако некој не внесува доволно од овие две клучни хранливи состојки, за кои можеби се потпира на суплементите.

Кога да земате магнезиум, а кога калциум

Наместо да се зема магнезиум и калциум заедно, сите експерти препорачуваат растојание помеѓу земањето.

Д-р Отулана предлага да се земаат суплементи со калциум наутро бидејќи некои луѓе сметаат дека им дава енергија, а суплементите со магнезиум навечер, бидејќи тие можат да имаат релаксирачки ефект и да го поддржат сонот. Ако пиете кафе, уште една причина да се зема магнезиумот навечер е тоа што кафето може да ја блокира неговата апсорпција, според д-р Хамден.

Уште еден спој за избегнување

Покрај калциумот и магнезиумот, д-р Отулана вели дека додатоците на железо и цинк не треба да се земаат истовремено.

Кој не смее да зема магнезиум?

– Железото и цинкот исто така се натпреваруваат за апсорпција во дигестивниот тракт. Ако ги земате заедно, особено во високи дози, можат да попречат колку вашето тело апсорбира. Ова е особено важно ако ги земате за лекување на недостиг, бидејќи сакате да бидете сигурни дека вашето тело навистина ја добива дозата што му е потребна – истакнува тој.

Д-р Отулана додава дека витаминот Ц помага во апсорпцијата на железо, па затоа е особено добра идеја да ги земате суплементите со железо со храна како цитрусно овошје, диња, пиперки или брокула, кои сите содржат витамин Ц.

Правилно дозирање и комбинирање

Кога станува збор за земањето суплементи, д-р Хамден вели дека е погрешно сфаќање дека колку е поголема дозата, толку е поголема користа – таа нагласува дека тоа не е вистина.

– Секој суплемент има доза што најдобро делува, така што повеќе не значи дека подобро делува. Формулирањето на суплементите е навистина уметност бидејќи многу од нив подобро делуваат заедно. Кога ги комбинирате, треба да ја намалите дозата на секој од нив бидејќи целината е поголема од збирот на нејзините делови -објаснува таа, пренесува „Парада“.

Покрај споменатата комбинација на витамин Ц и железо, како суплементи што подобро делуваат заедно се:

Витамин Д и К2: Овие витамини треба да се земаат заедно бидејќи тие синергистички работат за правилно искористување на калциумот, што е клучно за здравјето на коските.

Витамин Д и магнезиум: Овие суплементи исто така имаат синергиско дејство и се корисни за функционирањето на телото.

Витамин Д и магнезиум: Овие суплементи исто така синергиски делуваат и се корисни за функционирањето на организмот.

Цинк и витамин Д: Тие делуваат нераскинливо, бидејќи цинкот може да ја подобри активноста на витаминот Д, додека витаминот Д влијае на апсорпцијата и хомеостазата на цинкот.

Цинк и витамин Ц: Заедно нудат поттик на имунолошкиот систем, делувајќи на различни делови од вродениот и стекнатиот имунитет, а витаминот Ц исто така помага во апсорпцијата на цинк.

Липосолубилни витамини (А, Д, Е, К) и омега-3: Бидејќи витамините А, Д, Е и К се растворливи во масти, потребни им се масти за правилна апсорпција, а омега-3 масните киселини можат да помогнат во ова.

Лекар предупредува: Овие витамини може да предизвикаат предозирање

Овие шест витамини и минерали никогаш не треба да ги земате со кафе

Со внесувањето на овој витамин може да се забави стареењето за три години