Американскиот актер Џанкарло Еспозито, најпознат по култната улога на Гас Фринг во хит-серијата „Брејкинг бед“, премина во ислам за време на својот престој во Саудиска Арабија. Како што пренесува весникот „Saudi Gazette“, претседателот на Секторот за забава во Саудиска Арабија, Турки Ал Шеик, објави дека Еспозито го изговорил шехадетот (исламската исповед на верата) и се молел заедно со своите колеги продуценти.

Видеото од овој свечен момент веќе масовно се споделува на социјалните мрежи.

The Muslim Brotherhood has welcomed their new spokesman Giancarlo Esposito @quiethandfilms
Him taking his shahada is only the first step! pic.twitter.com/tUNhXbWRsB

— Bellamy Bellucci (@BellamyShoshana) June 21, 2026

Според Ал Шеик, актерот се одлучил за овој чекор по позитивните искуства за време на престојот во земјата и срдечните средби со локалните муслимани. Тој исто така нагласи дека Еспозито изразил огромна благодарност до заедницата за неверојатното гостопримство што му било укажано.

Џанкарло Еспозито зад себе има повеќедецениска успешна кариера во филмската индустрија. Освен по улогата во „Брејкинг бед“, јавноста го препознава и по извонредните улоги во сериите „Подобро јавете се на Саул“, „Мандалоријанецот“, како и во бројни други големи проекти. Светската слава ја стекна токму како Гас Фринг, улога која му донесе многубројни награди и признанија од критиката.

Тој во моментов во Саудиска Арабија го снима филмот „Седум кучиња“. Ова е една од големите филмски продукции кои се развиваат во рамките на напорите на Саудиска Арабија да го прошири својот сектор за забава и кинематографија и да привлече звучни имиња од светската филмска индустрија.

Сте ја гледале? Ова е најлошото финале на серија во историјата, според гледачите