Само што заврши сезоната во НБА лигата, екипата на ЛА Лејкерс уште сега ги започна подготовките на наредната и веќе се најавува потенцијална размена со која екипата би станала главен фаворит за титулата.

Лејкерси бараат трета ѕвезда која планираат да ја додаат на Леброн Џејмс и Ентони Дејвис, а управата на клубот одлучи тоа да биде плејмејкер.
Прва желба на „езерцата“ е Демиен Лилард од Портланд треилблејзерс, но денеска се шпекулира и со уште две ол стар ѕвезди.
Засилувањето од минатата година, Денис Шрудер разочара со игрите, а откако ја одби понудата за нов договор од 78 милиони долари за четири сезони, јасно е дека неговите денови во Лос Анџелес се одбројани.
Според новинарот Марк Спирс, Лејкерси и Вашингтон визардс се договорија за „потпис и трејд“ а заедно со Шрудер во главниот град на САД би се преселиле и Кајл Кузма и Тајлен Хортон-Такер, додека нов играч на Лејкерси би станал Расел Вестбрук.

Сепак, генералниот менаџер на ЛА Лејкерс, Роб Пелинка не брза со реализација на размената бидејќи постои опција да го донесе и Крис Пол. Одличниот плејмејкер со Феникс санс загуби во големото финале, а има уште една година од договорот според кој треба да заработи 44 милиони долари. Но, Пол наводно е подготвен да се откаже од оваа сума доколку би потпишал тригодишен договор за најмалку 20 милиони долари по сезона.

Првата ѕвезда на Лејкерс, Леброн Џејмс е голем пријател со Пол и се очекува да има голема улога во убедувањето на плејмејкерот да пристигне во Лос Анџелес и тоа преку „потпис трејд“.

Лејкерси прават нов супер тим, Леброн го носи Лилард во Лос Анџелес