Шкендија е подготвена за новиот европски натпревар, в четврток (27 август) со почеток од 18.00 часот ќе се обиде да оствари резултат која ќе го однесе во второто квалификациско кло на Лига Европа.

Тетовските „црвено-црни“ предводени од тренерот Ернест Ѓока во Азербејџан во првата елиминациска рунда од натпреварувањето ќе ги одмерат силите против Сумгајит.

На денешната прес конференција своите очекувања во пресрет на утрешниот дуел ги споделија тренерот Ѓока и капитенот на клубот Егзон Бејтулаи.

– Мораме да бидеме внимателни, да успееме да постигнеме гол и бидеме што поблиску до целта. Шкендија секогаш практикува свој стил на игра и ќе се обиде тоа да го направи в четврток. Ги знаеме силните и слабите страни на ривалот. Предноста на Сумгајит е што игра на домашен терен, но верувам дека со искуството кое го има Шкендија од еврокуповите, многу сум уверен дека сме сериозно подготвени да ја поминеме оваа рунда – се зборовите на стратегот Ѓока.

– Дојдовме тука да покажеме дека сме подобра екипа и се пласираме во следното коло. Противникот има свои квалитети, но верувам во моите соиграчи и мислам дека ќе оствариме позитивен резултат. Да, Сумгајит е домаќин, но Шкендија знае како да игра на противничките терени. Мораме да одиграме паметно и доколку бидеме на нашето ниво, верувам дека ќе се најдеме во следната рунда – вели македонскиот репрезентативец Бејтулаи.

„Гипсарите“ подготвени за европскиот предизвик (ВИДЕО)