Кралицата го прогласи за витез стогодишниот капетан Мур кој собра 33 милиони фунти за здравствените работници вртејќи 100 круга во својата градина (ФОТО)
Денес кралицата Елизабета во замокот Виндзор официјално го прогласи за витез стогодишниот воен капетан Томас Мур, информираше royal.uk.
Стогодишниот капетан Том Мур доби витешка титула од кралицата Елизабета Втора, три месеци откако успеа да собере 32 милиони фунти за британските здравствени работници.
Ветеранот на Втората светска војна вонредно ја прими титулата сер на уникатна церемонија во замокот Виндзор и од него не се бараше да клекне пред кралицата кога таа традиционално положи меч на неговите рамења.
„Ова е најспецијалниот ден во мојот живот. Не можам да опишам колку сум воодушевен. Навистина величествен ден“, изјави Мур.
In April, #WW2 veteran, Captain Sir Tom Moore embarked on 100 laps of his garden with the aim to raise £1,000 for @NHSCharities. @captaintommoore has now raised over £32 million for the #NHS, and inspired so many people along the way. pic.twitter.com/wVIIsR6k8B
— The Royal Family (@RoyalFamily) July 17, 2020
Во април, ветеранот од Втората светска војна, капетанот Сер Том Мур покрена иницијатива за собирање средства за хуманитарни организации кои и помагаат на Националната здравствена служба во борба против коронавирусот. За таа цел, тој пешачеше во својата градина со првична цел да собере 1.000 фунти, но собра над 32 милиони фунти, поставувајќи Гинисов рекорд за најголема сума од поединец собрана од прошетка.
Мур, кој беше унапреден во почесен полковник на неговиот 100-ти роденден, доби титула „капетан сер Томас Мур“ во согласност со протоколот на британското Министерство за одбрана.
Captain Sir Tom Moore stands proudly with his family in the Quadrangle of Windsor Castle, following his Investiture ceremony.
Congratulations @captaintommoore ?? pic.twitter.com/EJDkuuXlnJ
— The Royal Family (@RoyalFamily) July 17, 2020
Титулата на витез претходно беше одобрена од кралицата Елизабета Втора.
На денешната церемонија кралицата официјално му ја додели титулата витез на капетан Мур со мечот што му припаѓаше на нејзиниот татко, кралот Џорџ VI.
Британскиот премиер Борис Џонсон го нарече Мур „национално богатство“, велејќи дека тој е „како светилник во маглата на пандемијата на коронавирус“.
