Рускиот тенисер денеска на грен слем турнирот во Лондон го загуби мечот кој вчера беше прекинат поради дожд и остана далеку зад Новак Ѓоковиќ.

Се случи големо изненадување, вториот тенисер на светот Данил Медведев испадна во осминафиналето на „Вимблдон“ откако беше поразен од Хуберт Хуркач и нема да може на овој турнир да го преземе првото место на АТП листата од српскиот ас.

Хуркач успеа во меч со пресврти во пет сета 3:2 да го елиминира рускиот претставник со 2:6, 7:6, 3:6, 6:3 и 6:3.

Следен ривал на Полјакот во четвртфиналето ќе биде Рожер Федерер, а веќе се познати и останатите три парови: Ѓоковиќ – Фучович, Хачанов – Шаповалов и Беретини – Ожер-Алијасим.

Во женска конкуренција веќе ја имаме првата полуфиналистка, Каролина Плишкова од Чешка како осма носителка двапати со 6:2 ја совлада Швајцарката Викторија Голубиќ.

За пласман во големото финале Плишкова ќе игра со победничката од дуелот Џабур – Сабаленка, а втората полуфинална двојка ќе се формира по одигрувањето на мечевите Мухова – Кербер и Барти – Томљановиќ.

Легендарен тенисер нема дилеми: Доколку Ѓоковиќ победи на Вимблдон, ќе биде најдобар во историјата