Костова: Се надеваме на добри подготовки и засилувања пред настапот во ЛШ!
Првакот на нашата земја се најде во квалификациската група 1 заедно со СФК 2000, тимот од Босна и Херцеговина кој е домаќин на турнирот, потоа Бреидаблик (Исланд) и АСА Тел Авив (Израел).
Според најавите на европската куќа на фудбалот (УЕФА), натпреварите ќе се играат во периодот од 7-13 август 2019 год.
Како што известуваат од клубот, познат е само босанскиот претставник, а засега нема доволно информации за останатите два ривали.
– Денеска ги добивме противниците. Познат ни е само составот на Сараево, не ги знаеме другите две екипи и не сме играле до сега со нив. Нашите подготовки ги почнуваме на 7 јули и се надеваме дека добро ќе се подготвиме и ќе се претставиме во одлично светло. Ние како клуб ќе се засилиме со 6-7 добри фудбалерки за да можеме подобро да парираме на останатите екипи во нашата група – изјави капитенот и тренер на екипата, Драгана Костова за „Слободен печат“.
Свој коментар по завршувањето на ждрепката за босанските медиуми имаше и тренерот на СФК 2000 (БиХ), Самира Хурем која вели дека добиле помалку атрактивни, но навистина тешки противници во физичка смисла.
#UWCL qualifying round draw (7-13 August, group winners to round of 32)
Group 1: SFK 2000 Sarajevo (BIH, hosts), Breidablik (ISL), ASA Tel-Aviv University, ŽFK Dragon 2014 (MKD)
— #UWCL (@UWCL) June 21, 2019
– Ќе биде навистина тешко, веруваме во нашата работа и труд, ќе се обидеме да го освоиме првото место во групата – се зборовите на Хурем.