Како да направите домашна коцка за супа: Здрав бујон
Наместо да купувате, направете сами домашни коцки за супа со кои многу полесно се подготвуваат домашните супи или чорби. Домашните коцки за супа се многу практични, а и многу поздрави од оние купените во продавница. Се мешаат со топла вода и на тој начин се создава бујон, кој може да го разубави секое јадење, а месото секако ќе го направи посочно. Во бујонот додајте ги другите состојки по желба и така ќе направите супа или чорба.
Состојки:
– 3 моркови
– 1 праз
– 2 пашканат
– 2 китки магдонос
– 1 кромид
– 2 чешниња лук
– 1/2 келераба
– 1/2 целер
– лисја од целер
– 1 лажичка куркума
– 1 китка магдонос
– масло
– 80 грама сол
Подготовка:
Во сад се ставаат излупениот, ситно сечкан морков, сечканиот праз, пашканатот, коренот од магдонос, кромидот и лукот, келерабата, целерот и листовите целер. Во тава со загреано масло ставете го сечканиот зеленчук, па посолете и посипете куркума. Откако зеленчукот ќе го ослободи сокот, варете уште 8 минути. Потоа ставете го зеленчукот во блендер и исечкајте го. Префрлете ја смесата во плех обложен со хартија за печење и израмнете ја. Покријте со проѕирна фолија и оставете преку ноќ во замрзнувач. Исечете ги коцките и секоја завиткајте ја во проѕирна фолија. Чувајте во замрзнувач до употреба.