На вчерашната седница Владата донесе уредба со законска сила со која се утврдува исплаќање на финансиска поддршка за спортистите, стручните лица и спортската администрација.

Директорот на Агенцијата за млади и спорт, Дарко Каевски одржа прес-конференција по повод донесените мерки од Владата на Република Северна Македонија и Агенција за млади и спорт во областа на спортот.

Како што изјави Каевски во време на пандемија, на Ковид-19, кога нашата држава, но и целиот свет се соочува со голем тест, Владата и институциите дејствуваат во насока на создавање силен и ефикасен одговор на оваа ситуација.

– 14.500 денари плата за месеците април и мај за спортистите и спортските работници.

– 14.500 денари за сите клубови кои имаат регистрирано минимум 40 млади спортисти до 18 години во индивидуалните спортови, односно минимум 80 млади спортисти до 18 години во екипните спортови.

– Финансиски средства за реализација на Националниот спортски систем на сите Национални спортски федерации до крајот на 2020 година.

– Финансирање на програмите на индивидуалните врвни спортисти од олимписките спортови.

– Предлог за 50% намалување на цените на услугите на спортските објекти во надлежност на институциите.

– Ослободување од плаќање годишна членарина или котизација, што клубовите имаат обврска да ја платат до крајот на 2020 година.

–Оваа финансиска поддршка се обезбедува од буџетот на Република Северна Македонија и се исплаќа врз основа на статус на вработен и ангажиран на договор, на лице, во клубови и на национални спортски федерации кои имаат решение за вршење на дејност спорт – се зборовите на Каевски.