Патниците во јавниот превоз во Скопје отсега ќе можат своите картички за превоз во автобусите на ЈСП да ги надополнуваат и онлајн, без физичко присуство и без чекање во билетарниците, соопшти претпријатието.

Новата функционалност е достапна преку официјалната веб-страница, каде што корисниците можат за неколку минути да додадат билети или средства на картичката, користејќи телефон или компјутер.

Според ЈСП, процесот се одвива во неколку едноставни чекори и треба да ги намали редиците на билетарниците, како дел од дигитализацијата и модернизацијата на услугите во јавниот превоз.

Новината, иако добредојдена, доаѓа во време на вистинска криза со јавниот транспорт во Скопје, а граѓаните постојано се жалат дека автобуси нема, а и тие што ги има – доцнат.

ЈСП доби уште 150 милиони денари субвенции за вработените да се „мирни“ до крај на годината