Јапонската полиција изврши претрес во домот на извршниот директор на Организациониот комитет на Летните олимписките игри во Токио, Харујуки Такахаши (78) поради обвинение дека примил мито од спонзор на Игрите.

Полицијата се сомнева дека Такахаши добил околу 330.000 долари од компанијата за продажба на костуми „Аоки Холдингс“ со која потпишал консултантски договор, објави јапонската агенција Кјодо.

Откако го потпишале консултантскиот договор, „Аоки Холдингс“ стана официјален спонзор на Игрите во Токио, што му овозможи да го користи официјалното лого и да продава лиценцирани производи.

Јапонското обвинителство смета дека овој потег претставува поткуп, бидејќи Такахаши се сметал за државен службеник кој не треба да добива пари или подароци поврзани со неговата позиција.

Такахаши минатат недела изјави дека парите што ги добила неговата фирма биле за консултантски услуги.

– Нема конфликт на интереси со мојата позиција како член на одборот на Организацискиот комитет на Игрите во Токио 2020 година – рече Такахаши за весникот „Јомиури Шимбун“.

Поради пандемијата на коронавирусот, наместо во 2020, Олимписките игри во Токио се минатата година.