Американскиот тенисер Џон Изнер не го криеше задоволството од одлуката на судот во Австралија да му ја врати визата на Новак Ѓоковиќ.

Најдобриот светски тенисер го доби случајот против државата Австралија, беше ослободен и му беа вратени пасошот и личните работи.

Австралиските власти не се откажуваат и се најавува дека Србинот ќе биде апсен и дека му се заканува итна депортација од Австралија и покрај позитивниот исход од судот.

– Останува само повторно да го освоиш трофејот, да го напуштиш градот и никогаш да не се вратиш – се зборовите на Изнер.

Останува да се види наскоро дали и официјално Ѓоковиќ ќе ја има можноста да се бори за 10 титула на „Австралија опен“, што би била 21. на Грен слем турнирите во кариерата, најмногу во историјата на овој спорт, веднаш пред Рафаел Надал и Рожер Федерер кои имаат по 20.

Постои и можноста министерот за имиграција Алекс Хок повторно да му ја одземе визата, поради што Ѓоковиќ би можел да се соочи со тригодишна забрана за влез во земјата.

Новак Ѓоковиќ ја доби жалбата против депортацијата од Австралија