Изненадување во Торонто, Бразилка ја исфрли најдобрата тенисерка на светот
Бразилската тенисерка Беатриз Хадад Маја приреди големо изненадување во осминафиналето на турнирот од Мастерс серијата 1000 во Торонто со елиминацијата на најдобрата светска тенисерка, Ига Швјонтек.
Хадад Маја која моментно се наоѓа на 24 место на ВТА ранг-листата славеше над Швјонтек по три часа игра со 6:4,3:6,7:5.
Во првите два сета, двете тенисерки направија по еден брејк кој им беше доволен за освојување на сетови и носење на мечот во одлучувачкиот трет сет.
Третиот сет траеше дури 71 минута, а прва тенисерка што направи брејк беше Швјонтек и тоа уште во првиот гем. Хадад Маја веднаш возврати, два пати го одзеде сервисот на Швјонтек и поведе до 4:2 во гемови. Полската тенисерка брзо се созеде од шокот и намали на 4:3 по што во следните гемови беа сигурни на свој сервис.
Бразилката до големата победа дојде во 12 гем кога при нејзино водство од 6:5 ја искористи четвртата меч топка за пласман во четвртфиналето.
Пласман во четвртфиналето обезбеди Симона Халеп ја победи Џил Белен Тајхман во два сета со 6:2,7:5, додека Коко Гоф беше подобра од Арина Сабаленка со 7:5,4:6,7:6. Американската тенисерка Џесика Пегула ја елиминира Камила Џорџи во три сета (3:6,6:0,7:5), додека Јулија Путинцева беше подобра од Алисон Риске со 6:4,7:5.