Денеска пристигаат лоши вести за македонската атлетика, Дарио Ивановски нема да настапи на престојното Европско првенство во сала.

Нашиот натпреварувач е позитивен на ковид-19 и поради тоа ќе го пропушти настапот во Торун, Полска.

– Информација за македонската спортска јавност. И официјално на престојно ЕП во сала кое ќе се одржи оваа недела во Торун, Полска, нашиот најдобар атлетичар Дарио Ивановски нема да настапи. Да му посакаме многу здравје, брзи и лесно подносливи денови во ова светско КОВИД лудило кое удри и кај нашиот неприкосновен шампион. Се гледаме напролет на новите предизвици – спортски поздрав од MC RUNNING TEAM.

Ивановски изминатиот период имаше одлични резултати, промовирајќи се како балкански шампион во сала на 3000 метри.

Со два медали на Балканијадите, злато и сребро, двапати го сруши својот национален рекорд на 1500 м (03:45.46 мин. и 03:44.98 мин.)

Постигна рекордни 1088 ИААФ бодови и по вторпат во кариерата освои норма за Европско првенство.