Македонските тенисери Калин Ивановски и Елдин Хусеиновиќ испуштија шанса да играат полуфинале на фјучрсот во австрискиот град Крамсах.

Во денешното четвртфинале се поразени од Американците Николас Бибел и Џејми Вејнси со 2:1 во сетови 6:4, 4:6, 10:6.

Во првиот сет беше изедначено до самиот крај кога по 4:4 во гемови, Американците поведоа со 5:4, а во 10 гем направија брејк и го добија сетот со 6:4 во гемови.

Во следниот сет македонскиот тандем направи брејк на почетокот на сетот и поведоа со 3:0 и предноста ја сочуваа до крајот и се изборија за решавачки сет откако вториот сет заврши со 6:4 за Ивановски и Хусеиновиќ.

Во решавачкиот сет нашите тенисери поведа со 4:1 и 5:2 во поени, но ривалите направија серија од седум поени. Сетот заврши со 10:6 во поени за Бибел и Вејнси.

Македонскиот тенисер Калин Ивановски ќе игра за финале на фјучрсот во австрискиот Крамсах