Најдобриот македонски тенисер продолжува со успешните резултати на фјучрсот кој се одржува во Крамсах, Австрија.

Денеска во четвртфиналето Калин Ивановски со резултат 2:0 во сетови 7:6 (4) и 6:4 го елиминираше домашниот натпреварувач Сандро Коп.

Нашиот тенисер, кој е втор носител на турнирот, за пласман во финалето ќе игра со подобриот од мечот Ламбер Рулан (Франција) – Матис Ерхард (Германија).

Познат е уште еден полуфиналист Џерард Кампана Ли од Јужна Кореја триумфираше против третиот носител Лукаш Росол од Чешка. Инаку 38-годишниот Росол во својата кариера настапуваше и на грен слем турнирите.

Ивановски го очекува и настап во двојки, во четвртфиналето заедно со Елдин Хусеиновиќ, македонската двојка ќе игра против Американците Николас Бибел и Џејми Венс.