Високо ниво на хистамин е откриено во прехранбен производ на хрватскиот пазар. Како што соопшти Европскиот систем за безбедност на храна, хистамин е откриен во солени филети од инчуни со потекло од Албанија. Рибата била дистрибуирана во Хрватска, а потоа и во Словенија.

Инчуните претставувале потенцијален ризик по здравјето. Контролата на пазарот откри ниво од повеќе од 400 мг/кг хистамин, што е доста висока вредност. Хистаминот е особено проблематичен за луѓето кои се алергични на тоа соединение. Зголемените нивоа на хистамин кај рибите обично укажуваат на недоволна свежина на производот, лошо ладење и лоши хигиенски услови. Симптоми на труење со хистамин се гадење, главоболка, висока температура, отежнато дишење и осип на кожата и чешање, предупредува Даница.хр.