И јас би избегал од руските болници
Поранешниот тренер на Марија Шарапова, Мајкл Џојс, го поддржа американскиот тенисер Сем Квери кој избега од карантинот во Санкт Петербург и со приватен авион ја напушти Русија откако беше утврдено дека е позитивен на коронавирус.
Џојс кој шест години беше работеше со Шарапова изјави дека ја разбира одлуката на Квери да не прифати да се лекува во руска болница.
– Без шега, и јас би го направил истото да имам сопруга и дете кое има само осум месеци. Нема шанси да бидам во руска болница и 14 дена ка бидам одвоен од детето – порача Џојс.
No kidding but I would do the same with a wife and 8 month old baby. No way I m going to a Soviet hospital and separating from my baby for 14 days . https://t.co/3i1dspXYN7
— Michael Joyce (@mikejoyce73) October 14, 2020
Сем Квери вчера изнајми приватен авион со кој ја напушти Русија и замина во неименувања европска држава. Со ваквиот потег Квери ги прекрши протоколите за коронавирусот на организаторот, а АТП веднаш започна истрага и можно е тенисерот да добие драконска казна.
Тоа значи парична казна до 100.000 долари или може да биде суспендиран максимално до три години.
Од руга страна има и тенисери кои сметаат дека Американецот направи голема грешка, а еден од нив е Александер Зверев.
– Сликата на Русија во американските медиуми не е добра. Јас бев во Санкт Петербург во 2016 година и не е толку лошо како што некои мислат. Квери не испадна паметен со потегот кој го направи и си влезе во проблеми со АТП – изјави Зверев.
