Американски тенисер предизвика скандал во Русија, се зарази со корона, одби да оди во карантин и избега со авион
Сем Квери се соочува со драконска казна поради скандалот кој го предизвика на турнирот во Санкт Петербург.
Моментно 49. тенисер на светот беше позитивен на коронавирус за време на учеството на турнирот во Санкт Петербург и наместо да остане во карантин, Квери заедно со сопругата и синот избега од него и со приватен авион замина во неименувана европска држава.
АТП веднаш покрена истрага против Квери и се очекува во најскоро време драконски да го казни американскиот тенисер.
Квери до крајот на годинава се пријави за учество на неколку турнири меѓу кои и Мастерсот во Париз, но со последниот потег, најверојатно предвреме ја заврши сезоната.
„ Тенисерите и членовите на нивните тимови мораме да ги потсетиме дека секое прекршување на протоколот може да го доведе во прашање одигрувањето на целиот турнир како и да има последици и по турнирите кои следат по овој турнир. Според нашиот правилник ова е сериозен прекршок и затоа е покрената истрага“, објави АТП.
Според правилникот на АТП, казната за ваков прекршок е 100.000 долари и максимална казна со забрана на учество на турнири во наредните три години.