Тим од претставници на хрватската полиција е испратен во Белград да помогне во потрагата по исчезнатиот Матеј Периш од Сплит, изјави хрватскиот премиер Андреј Пленковиќ.

„Што се однесува до исчезнатиот Матеј Периш, побарав од министерот за внатрешни работи Давор Божиновиќ да испрати тим од претставници на хрватската полиција во Белград.

Пленковиќ додаде дека постојано се работи во двенасоки , едната во директен разговор меѓу полицијата, а другата во политичко-конзуларни активности што ги води Хрватската амбасада во Белград.

„И затоа сакаме да им се заблагодариме на полицијата во Белград и на сите кои се ангажирани во потрагата на исчезнатиот Периш и на овој начин дополнително да да дадеме заеднички придонес во сите досегашни активности во потрагата. Правиме се што може од аспект на интересот да го заштитиме нашиот граѓанин, момчето од Сплит кое замина во Белград и за жал сè уште се води за исчезнато“, изјави Пленковиќ.

Потрагата по 27-годишниот Матеј Периш од Сплит, кој исчезна во Белград, влезе во 11-ти ден, а засега нема информации што се случувало ноќта меѓу 30 и 31 декември кога последен пат бил виден.