Новиот врховен лидер на Иран, ајатолахот Моџтаба Хамнеи, денеска ги повика разузнавачките служби на државата да ги засилата активностите и борбата против непријателите во земјата и надвор од неа.

Иран веќе три недели е цел на постојани израелски и американски напади, кои предизвикаа општа криза на Блискиот Исток, откако Техеран одговори со напади врз енергетската инфраструктура на земјите во регионот кои се американски сојузници, како и врз американските бази во овие држави. Хамнеи, кој го наследи својот татко, загинатиот ајатолах Али Хамнеи, го упати повик до шпионите откако беше објавено дека портпаролот на Иранската револуционерна гарда (ИРГЦ) загинал во ракетен напад.

Објавата на Хамнеи на „Икс“ дојде и по смртта на министерот за разузнавање, Есмаил Хатиб, кој беше убиен оваа недела.

„Преостанатите службеници и вработени во ова чувствително министерство мора да ја надоместат празнината што ја остави неговата смрт“, вели Хамнеи во објавата.

Моџтаба Хамнеи се нема појавено јавно и не објави ниту една аудио или видеоснимка откако беше именуван за нов врховен лидер на Иран на 8 март. Во нападот во кој беше убиен неговиот татко, Моџтаба Хамнеи беше ранет, а ги загуби и сопругата и мајката.

ВИДЕО | Зградата каде требаше да се избере наследникот на Хамнеи е срамнета со земја