Големите компании и објавија војна на сексуалната злоупотреба на малолетници на интернет
Создаден е и фонд за истражување и иновации од неколку милиони евра за создавање технолошки алатки за спречување и поефикасна работа за да се искорени сексуалната експлоатација и злоупотребата на деца преку интернет.
Амазон, Епл, Фејсбук, Гугл и Мајкрософт и уште петнаесетина други компании договорија коалиција за заедничка борба против сексуална злоупотреба на малолетни лица на Интернет.
Компаниите се конкретно посветени на финансирање „фонд за истражување и иновации од неколку милиони евра за создавање технолошки алатки за спречување и поефикасна работа за да се искорени сексуалната експлоатација и злоупотребата на деца преку интернет”, велат од коалицијата.
Организацијата, исто така, ќе објави годишен извештај за направените напори и најавува создавање „годишен форум” на таа тема.
– Новиот план ќе ни помогне да ги споделиме најновите достигнувања, знаења и алатки преку дигиталниот екосистем. Ниту една компанија не може да го реши проблемот самостојно, рече официјалниот претставник на Гугл, Кент Вокер.
Извршниот директор на Фејсбук, Шерил Сандберг рече дека тие се “горди што придонесуваат за оваа иницијатива”.
– Се надеваме дека таа ќе доведе до вистински промени за безбедноста на децата, нагласи Сандберг.