Големи светски ѕвезди ќе создадат магична претстава: Платинестиот јубилеј на кралицата Елизабета Втора ќе се пренесува во живо
Кралицата Елизабета II денеска го слави својот 96-ти роденден, а на 15 мај е закажана прославата за нејзиниот платинест јубилеј (70 години на тронот на Британското кралство). Британската мрежа „ITV“ собра голем број познати личности со цел да го прослават платинестиот јубилеј, кој следниот месец ќе се емитува во живо од замокот Виндзор.
View this post on Instagram
Меѓу познатите личности кои ќе ја водат церемонијата по повод 70-годишнината на кралицата на тронот се Том Круз, Хелен Мирен и Демијан Луис. Тие ќе учествуваат во големиот театарски настан кој ќе вклучува 1.300 изведувачи и 500 коњи кои ќе ги водат гледачите низ различни моменти во историјата од владеењето на кралицата Елизабета I до крунисувањето на кралицата Елизабета II, пишува „Variety“.
View this post on Instagram
Мирен ќе ја игра кралицата Елизабета Прва, а актерската постава „Queen’s Players“ ќе го претстави ликот наречен „The Herald“, кој го игра актерот и комичар Омид Џалили. Секој чин од претставата ги одразува клучните моменти во историјата, вклучувајќи го и говорот во Тилбери од Елизабета I и Џејмс I, па дури и „Заговорот барут“.
Ќе се слави и Комонвелтот на четирите нации на Обединетото Кралство. Сè ќе биде испреплетено со бројни воени и коњанички изложби од целиот свет.
View this post on Instagram
За музиката ќе биде задолжен 75-члениот оркестар со специјални изведби на Келае Сетл, Грегори Портер и Кетрин Џенкинс. Музички директор ќе биде повеќекратно-наградуваната композиторка Деби Вајсман. Меѓу другите гости се Ендрју Лојд Вебер, Ант и Дек, дамата Џоан Колинс и Сер Дејвид Џејсон.
View this post on Instagram
Шефицата на одделот за забава во „ITV“, Кејти Роклиф, е воодушевена што првиот телевизиски настан во чест на платинестата годишнина на кралицата ќе се емитува на „ITV“.
„За да ја одбележиме оваа значајна пригода, ќе ѝ донесеме на нацијата славеничка, ѕвездена претстава, со различни изведби и епско патување низ историјата, која ќе ја раскажат некои од најпознатите и најценетите имиња на филмот и телевизијата“, изјави таа.
View this post on Instagram
