Принцот Хари и Меган Маркл денеска го слават третиот роденден на нивната мала принцеза Лилибет Дијана, а нивната прослава започнала уште од минатиот ден.

Имено, пријателите и најблиските членови од семејството се собрале во семејната куќа на Хари и Меган во Монтесито, Калифорнија и уживале во времето заедно, пишува „Пејџ сикс“.

Лилибет Дијана Маунтбатен-Виндзор е првото кралско бебе родено во САД, а го доби името по прекарот на нејзината прабаба, кралицата Елизабета Втора. Средното име го доби по нејзината баба, принцезата Дијана, мајка на принцот Хари.

Инаку, малата Лилибет го прослави својот прв роденден во Фрогмор Котиџ во Велика Британија, а дел од атмосферата од прославата е снимена и прикажана во документарниот филм на Нетфликс „Хари и Меган“.

Во документарецот тие истакнаа дека нивните деца се на прво место, а открија и дека нивната ќерка сака да танцува. Меган додаде дека нејзиниот петгодишен син Арчи ужива во сите игри и активности кои имаат некаква врска со градењето.

ВИДЕО | Се шири снимка на интернет: Меган Маркл избрка жена која сакаше да застане до принцот Хари