Годишнина од масакрот кај Вејце
На 28 април 2001 беа убиени четворица припадници на воената единица „Волци“ и полицајци при ОВР Битола – Роберт Петковски (27) Игор Костески (26) Миле Јаневски (30) Бобан Трајковски (28), Марјан Божиновски (27), Илче Стојановски (24) Бошко Најдовски (25) и Кире Костадиновски (24). Масакрот се случил во 17:45 часот откако од заседа биле убиени, а потоа масакрирани и живи запалени осуммината припадници на безбедносните сили.
Министерката за одбрана Славјанка Петровска, делгација на македонската Армија и припадниците на партијата Достоинство денеска положија цвеќе и запалија осум цвеќи во чест и помен на убиените на местото близу село Вејце – најкрвав и најбрутален масакр којшто го изврши Ослободителна народна армија, позната како УЧК.
Во чест и сеќавање на припадниците на македонската армија и полиција кои на ова место близу село Вејце ги загубија своите животи. Овие настани од минатото не треба и не смее да не разделуваат, напротив тие треба да бидат паметник од минатото, грешките да не се повторат и страдањата да не оживеат. Вечна им слава, пишува министерката на Фејсбук.
Претседателот на Достоинство, Стојанче Ангелов изјави дека тој ден ја затекнал сцената која што останала по нивното убивање.
-Сликите беа ужасни, слики кои не можат да се избришат, вели тој.
Министерката претходно најави дека поднела иницијатива до Општина Тетово да донесе одлука за подигање на спомен-обележје за загинатите припадници на безбедносните сили.
Заради оддавање почит кон загинатите припадници на безбедносните сили на Република Северна Македонија кои своите животи ги загубија во масакрот кај Вејце, поднесувам иницијатива согласно член 18 од Законот за меморијалните споменици и спомен-обележјата Советот на Општина Тетово да донесе одлука за подигање на спомен-обележје, објави министерката на нејзиниот фејсбук профил.
На 28 април 2001 беа убиени четворица припадници на воената единица „Волци“ и полицајци при ОВР Битола – Роберт Петковски (27) Игор Костески (26) Миле Јаневски (30) Бобан Трајковски (28), Марјан Божиновски (27), Илче Стојановски (24) Бошко Најдовски (25) и Кире Костадиновски (24). Масакрот се случил во 17:45 часот откако од заседа биле убиени, а потоа масакрирани и живи запалени осуммината припадници на безбедносните сили.