Најдобрата македонска тенисерка Лина Ѓорческа го заврши настапот на турнирот во Истанбул уште во првото коло, откако загуби од Џинран Сун со 1-2 во сетови (4-6, 6-4, 4-6).

Ѓорческа одлично го отвори мечот и веднаш направи брејк, но нејзината противничка брзо возврати и ја презеде контролата, па со уште еден брејк го освои првиот сет со 6-4.

Македонската тенисерка возврати во вториот сет на сличен начин, прикажувајќи борбена игра и со идентичен резултат 6-4 успеа да израмни на 1-1 во сетови.

Во решавачкиот сет се водеше израмнета битка со многу пресврти и нестабилен сервис на двете страни, но во клучните моменти посигурна беше Сун, која со 6-4 го завери пласманот во следната рунда.