Фудбалерите пред ЕП ќе имаат контролни мечеви со Казахстан и Словенија
Се ближи стартот на Европското првенство, а селекторот на националните репрезентации кои ќе учествуваат веќе ги објавуваат имињата на играчите на кои ќе сметаат за учество на овој настан.
Меѓу нив денеска тоа го направи и селекторот на македонската А селекција, Игор Ангеловски. Потсетување дека „рисовите“ на ЕП се во групата „Ц“ со Австрија, Украина и Холандија.
Како подготовка за дебитантскиот настап на континенталниот собир, нашата репрезентација ќе одигра два пријателски натпревари во Скопје.
Според УЕФА, согласно централизираните ТВ-права, сите репрезентации пред ЕП мора да одиграат по два натпревари. Македонија договори контролен меч со Словенија на 1 јуни, а три дена подоцна ќе ги одмериме и силите со Казахстан.
Како што е веќе најавено, на 8 јуни нашите најдобри фудбалери ќе бидат во Букурешт каде што ќе ги одиграат првите два меча на Европското првенство. Поточно, на 13 јуни со Австријците, а на 17 јуни со Украинците, а потоа ќе се преселат во Амстердам за дуелот со Холандија на 21 јуни.
Секоја победа на фудбалерите на ЕП ќе им носи по 300.000 евра