Секоја победа на фудбалерите на ЕП ќе им носи по 300.000 евра
Управниот одбор на ФФМ на денешната седница донесе одлука да ги напради фудбалерите за настапот на мартовските квалификации за пласман на СП 2022 година во Катар, но и да ги одреди премииите за репрезентативците за Европското првенство.
Репрезентацијата на Македонија за прв пат во историјата ќе учествува на Европско првенство, а секоја евентуална победа над Украина, Австрија и Холандија на фудбалерите ќе им донесе по 300.000 евра.
За секој нерешен натпревар на ЕП, фудбалерите и селекторот Игор Ангеловски заедно со стручниот штаб ќе бидат наградени со 150.000 евра.
Доколку репрезентација ја помине групната фаза од Европското првенство, фудбалерите и стручниот штаб ќе добијат 30 проценти од износот кој ќе се добие од паричната награда од УЕФА по покривањето на трошоците за учество на натпреварувањето.
Управниот одбор донесе одлука повикот за фудбалери за претстојното Европско првенство да изнесува 1500 евра, а дополнителни 1500 евра ќе се исплатат на име повик доколку македонската А репрезентација ја помине групната фаза од ЕП.
Управниот одбор исто така донесе да исплати парична награда за македонската А репрезентација во износ од 150.000 Евра за мартовските натпревари од квалификациите за Светското првенство 2022 година, кога беа победени Лихтенштајн и Германија, а фудбалерите загубија од Романија.